Nýr íslenskur matreiðsluþáttur ólíkur öllum öðrum sem sýndir hafa verið í íslensku sjónvarpi. 

Friðrika Hjördís Geirsdóttir sækir heim þjóðþekkta Íslendinga, sem eiga það sameiginlegt að eiga í misjafnlega löngu en í öllum tilfellum alveg eldheitu ástarsambandi við matargerð. Sannkallaðir sælkerar sem eru þekktir fyrir eitthvað allt annað en líður engu að síður hvergi annars staðar betur en heima í eldhúsinu með sleif í hönd, að undirbúa enn eitt af sínum margrómuðu matarboðum.

Í þáttunum mun Rikka þiggja með þökkum boð um að mæta í eitt slíkt matarboð og ætlar að nota tækifærið á meðan hún fylgist með tilþrifum þessara ástríðukokka í eldhúsinu, til að ræða við þá um þetta mikla ástarsamband, hvenær það hófst, hvernig það kom til og bara hreinlega um allt sem viðkemur mat og matarmenningunni.