Person of Interest kemur úr smiðju J.J. Abrams sem hefur gert fjölmargar flottar sjónvarpsþáttaraðir á undanförnum árum. Má þar nefna Alias, Lost, Fringe, Alcatraz og Revolution. Hann hefur einnig framleitt fjölda stórmynda og leikstýrði m.a. myndinni Mission Impossible III. 
Jim Caviezel leikur John Reese, fyrrum útsendara bandarísku leyniþjónustunnar, CIA. Hann hefur ýmislegt ljótt á samviskunni og var talinn af eftir hættulegt verkefni en fer huldu höfði í New York. Forríkur tölvusnillingur, Harold Finch, grefur hann upp og fær hann til samstarfs við sig. Finch hafði hannað leynilegt tölvukerfi sem yfirvöld nota að finna hryðjuverkamenn áður en þeir fremja voðaverk sín. Forritið getur einnig sagt til um aðra glæpi sem eiga eftir að gerast og Finch freistar þess að grípa í taumana áður en glæpirnir eru framdir.

Í STUTTU MÁLI
- Spennuþættir frá J.J. Abrams (Lost, Fringe) og Jonathan Nolan (The Dark Knight)
- Jim Caviezel (The Passion of the Christ) í aðalhlutverki