Revolution er nýjasta þáttaröðin úr smiðju snillingsins J.J. Abrams, sem er maðurinn á bak við þáttaraðirnar Alias, Lost, Fringe og Alcatraz. Þættirnir eru sýndir á NBC-sjónvarpsstöðinni í Bandaríkjunum og Stöð 2 sýnir þættina innan við viku eftir frumsýningu vestan hafs.
Hvað gerist ef allt rafmagn fer skyndilega af jörðinni? Flugvélar hrapa, sjúkrahús loka, símar og tölvur hætta að virka og samgöngur leggjast af. Og það sem meira er að án nútímatækni er nær ómögulegt að finna ástæðuna fyrir þessu rafmagnsleysi.
Sagan gerist 15 árum eftir að rafmagnið fór af jörðinni og lífið svipar til þess sem það var löngu fyrir iðnbyltinguna. Fjölskyldur búa á bóndabýlum og þegar sólin sest er kveikt á lömpum og kertum. Líf ungrar stúlku breytist dag einn þegar hersveit heimsækir sveitina hennar og fellir pabba hennar. Hún veit ekki af því en hann bjó yfir leyndarmáli og vitneskju um rafmagnsleysið á jörðinni. Hún heldur nú í hættulega ferð ásamt tveimur ólíkum ferðafélögum í leit að svörum sem gætu leitt mannkynið út úr myrkrinu.

Í STUTTU MÁLI
- Ný þáttaröð frá J.J. Abrams (Lost, Fringe, Alcatraz)
- Leikstjóri er Jon Favreau (Iron Man, Iron Man 2)