The Amazing Race hefur verið einn vinsælasti sjónvarpsþátturinn vestanhafs sem og hérlendis í mörg ár. Þættirnir hlutu Emmy-verðlaunin sem besti raunveruleikaþátturinn sjö ár í röð, frá 2003 til 2009. Kynnir þáttanna er sem fyrr Phil Keoghan. Áhorfendur ættu að kannast vel við fyrirkomulag þáttanna þar sem fylgst er með nokkrum tveggja manna liðum í kapphlaupi um heiminn. Í þessari þáttaröð koma heimsækja keppendur meðal annars Japan, Kambódíu, Holland, Svíþjóð og Estóníu. Tólf tveggja manna lið mæta sem fyrr til leiks og öll lið eru skipuð pörum sem eiga sér einhverja forsögu.