Týnda kynslóðin er skemmtiþáttur í stjórn Björns Braga Arnarssonar. Þátturinn er sýndur í opinni dagskrá á Stöð 2 á föstudagskvöldum kl. 19.20 í haust og vetur.

Í þættinum fá Björn Bragi og félagar til sín landskunna gesti í skemmtileg og óhefðbundin viðtöl þar sem gestirnir taka virkan þátt í dagskrárgerðinni í formi innslaga af ýmsu tagi. Dagskrárliðir verða margir og fjölbreyttir.

Björn Bragi var áður ritstjóri vikublaðsins Monitor og hefur gert það gott í uppistandi. Dagskrárframleiðandi er Kristófer Dignus sem á að baki vinsæla skemmtiþætti eins og Mannasiði Gillz, Strákana, Ameríska drauminn og Audda og Sveppa.