Glæný gamanþáttaröð sem hlaut metáhorf þegar fyrsti þátturinn var sýndur í Bandaríkjunum sl. haust. Enginn gamanþáttur hafði mælst með eins mikið áhorf á fyrsta þátt að hausti síðan 2001.

2 Broke Girls eru hressilegir gamanþættir sem segja frá stöllunum Max og Caroline sem kynnast við störf á veitingastað. Við fyrstu sýn virðast þær eiga fátt sameiginlegt, enda bakgrunnur þeirra eins ólíkur og hugsast getur. Á meðan Max þarf að sinna tveimur störfum til að eiga í sig og á byrjar Caroline að vinna á veitingastaðnum vegna þess að hún lendir í smávægilegum vandræðum heima fyrir. Bakland hennar eru þó vellauðugir foreldrar svo hún hefur aldrei þurft að dýfa hendi í kalt vatn.  Við nánari kynni komast þær Max og Caroline þó að því að þær eiga fleira sameiginlegt en fólk gæti haldið og þær leiða saman hesta sína til að láta sameiginlegan draum rætast.