Episodes er gamanþáttaröð með Matt LeBlanc úr Friends í aðalhlutverki en hann hlaut Golden Globe-verðlaun fyrir frammistöðu sína í þáttunum. Þessir bráðfyndnu þættir fjalla um bresk hjón, Sean og Beverly, sem fá óvænt tækifæri til að slá í gegn í Hollywood. Þau skrifuðu gamanþætti sem hittu beint í mark í bresku sjónvarpi og er boðið að endurgera þættina í Hollywood.
Matt LeBlanc leikur sjálfan sig í þáttunum, eða reyndar ýkta útgáfu af sjálfum sér. Hann er ráðinn í aðalhlutverkið í bandarískri útgáfu þáttanna þrátt fyrir að hann passi engan veginn í hlutverkið og fyrr en varir er hann farinn að eyðileggja þættina, orðspor höfundanna og jafnvel spilla farsælu hjónabandi. 

Í STUTTU MÁLI
- Episodes er framleiddur fyrir BBC í Bretlandi og Showtime í Bandaríkjunum
- Matt LeBlanc hlaut Golden Globe verðlaunin fyrir aðalhlutverkið