Modern Family hefur hlotið bæði Emmy- og Golden Globe-verðlaunin sem besti gamanþátturinn og leikarar þáttanna hafa einnig sópað að sér verðlaunum. Þættirnir eru meðal allra vinsælustu erlendu þáttaraða Stöðvar 2 samkvæmt rafrænum áhorfsmælingum Capacent-Gallup. Modern Family fjallar um þrjár nátengdar en gjörólíkar nútímafjölskyldur. Jay Pritchett er fjölskyldufaðirinn. Hann á tvö uppkomin börn frá fyrra hjónabandi er núna giftur suðrænni fegurðardís sem flutti til hans með ungan son sinn. Dóttir Jay, húsmóðirin Claire, er gift fasteignasalanum Phil Dunphy sem heldur að hann sé svalasti pabbi í heimi. Þau eiga tvær dætur og einn son; Haley er týpískur táningur, Alex er gáfnaljósið í fjölskyldunni og Luke er svolítið öðruvísi en allir aðrir. Sonur Jay er Mitchell Pritchett, samkynhneigður lögfræðingur. Maðurinn í líf hans er Cameron og saman hafa þeir ættleitt unga dóttur. Í hverjum þætti lenda fjölskyldurnar í ótrúlega fyndnum aðstæðum sem við öll könnumst við að einhverju leyti.