American Horror Story eru magnaðir þættir sem hlotið hafa mikið lof gagnrýnenda. Dylan McDermott (The Practice) og Connie Britton (Friday Night Lights) leika aðalhlutverkin og Jessica Lange hlaut Golden Globe verðlaun fyrir frammistöðu sína í aukahlutverki en þetta er fyrsta sjónvarpsþáttaröðin sem hún leikur stórt hlutverk í. Höfundar þáttarins eru Ryan Murphy og Brad Falchuk sem eru einnig mennirnir á bak við Nip/Tuck og Glee.

Þættirnir fjalla um fjölskyldu sem flytur frá Boston til Los Angeles til að hefja nýtt líf eftir mikla erfiðleika. Fjölskyldufaðirinn Ben Harmon er sálfræðingur sem var staðinn að framhjáhaldi með nemanda sínum. Eiginkona hans, Vivien, missi fóstur í fæðingu og unglingsdóttir þeirra, Violet, hefur átt erfitt uppdráttar og berst við þunglyndi. Þau flytja inn í stórt og glæsilegt hús en vita ekki að fyrrum íbúar hússins hafa ekki alveg sagt skilið við það. Á meðan Ben og Vivien reyna að bjarga hjónabandinu kynnist dóttirin ungum manni sem er í meðferð hjá pabba hennar. Nýja heimilið á sér skuggalega fortíð og nágrannarnir eiga einnig ljót leyndarmál.

Í STUTTU MÁLI
- Dramatískir og spennandi þættir frá höfundum Nip/Tuck og Glee. 
- Tilnefndir til Golden Globe verðlauna í flokki dramatískra þátta
- Jessica Lange hlaut Golden Globe verðlaunin fyrir hlutverk sitt