Game of Thrones er stórbrotin saga um svik og undirferli, drengskap og heiður, valdabaráttu og sæta sigra. Sagan er byggð á metsölubókum eftir George R.R. Martin og sögusviðið er ævintýraheimur sem kallast Sjö konungsríki Westeros þar sem sumrin geta varað í áratugi og veturnir alla ævi. Game of Thrones segir frá blóðugri valdabaráttu konungsfjölskyldnanna sjö sem búa í Westeros en allar vilja þær ná yfirráðum yfir hinu eina sanna konungssæti, The Iron Throne. Svik, losti, forvitni og yfirnáttúruleg öfl hrista í undirstöðum Westeros og mun valdabaráttan og græðgin hafa ófyrirsjáanlegar og alvarlegar afleiðingar.

TEKIN UPP Á ÍSLANDI
Þriðja þáttaröð er byggð á þriðju skáldsögunni í bókaflokknum og þáttaröðin var að hluta til tekin upp á Íslandi. Hinn ungi og illgjarni Joffrey ræður nú ríkjum í konungsríkinu og nýtur ráðgjafar móður sinnar, hinnar lævísu Cersei, og frænda síns Tyrion, sem hefur tekið við hlutverki helsta aðstoðarmanns konugnsins. En það eru margir sem falast eftir völdum og það er stríð í aðsigi.

HEFUR HLOTIÐ FRÁBÆRA DÓMA
„Jafnvel betri en Lord of the Rings!“ - The Los Angeles Times
„Einstök sjónvarpsþáttaröð – fullt hús stiga.“ - Boston Globe
„Game of Thrones er með , einstakan söguþráð, sterkt handrit, frábæran leik og magnaðar tæknibrellur.“  - The Hollywood Reporter