Raising Hope er bráðskemmtileg gamanþáttaröð frá Emmy-verðlaunahafanum Greg Garcia (My Name is Earl). Jimmy Chance er 23 ára og býr hjá foreldrum sínum. Hann veður ekki í vitinu og veit ekkert hvað hann vill gera með líf sitt. Það breytist skyndilega þegar ungabarn er skilið eftir á tröppunum hjá honum. Móðirin var raðmorðingi sem hefur verið dæmd til dauða. Núna er Jimmy ákveðinn í að verða besti pabbi í heimi.
Foreldrar Jimmys, þau Virginia og Burt, voru bara 15 ára þegar þau eignuðust hann og þau hafa engan áhuga á að fá ungabarn inn á heimilið. Þau gerðu fullt af mistökum þegar þau voru að ala Jimmy upp og nú fá þau tækifæri til að bæta fyrir mistökin.

Í STUTTU MÁLI
- Gamanþáttaröð frá framleiðanda My Name is Earl
- Raising Hope hafa fengið mikið lof gagnrýnenda í Bandaríkjunum