Spurt og svarað

Velkomin í spurt í svarað, hér finnur þú svör við algengum spurningum um vörur og þjónustur 365,
smelltu á viðeigandi flokk.

Sjónvarp

Ég er með myndlykil frá Símanum, get ég keypt áskrift?
Já, þú getur keypt áskriftarpakka. Samt sem áður fá þeir viðskiptavinir sem eru með Sjónvarp Símans ekki aðgang að áskriftarveitunum Hopster og Cirkus, einnig verður efni í Maraþon ekki allt aðgengilegt en það kemur til vegna leyfismála.
Ég er ekki með Vodafone Sjónvarp, hvað geri ég?
Hægt er að nálgast upplýsingar um þá myndlykla sem eru í boði með því að smella hér.Þú getur komið til okkar í næstu Vodafone verslun og fengið myndlykil hjá okkur sem veitir þér aðgang að Vodafone sjónvarp.
Virkar áskriftin mín líka í 365 appinu og Vodafone PLAY appinu?
Já. Með öllum sjónvarpspökkum fylgir Vodafone PLAY appið eða 365 appið á 0 kr. Þú getur notað áskriftina þína í appinu og horft á sjónvarpið hvar sem er, hvenær sem er.
Í 365 appinu eru allar stöðvar 365 og valdar stöðvar Fjölvarpsins eru aðgengilegar í Sjónvarp 365 appinu. Ekki er hægt að streyma áskriftarstöðvum okkar erlendis.
Með Vodafone PLAY appinu getur þú horft á sjónvarpsútsendingar, notað tímavél til að flakka í dagskránni og pantað frelsisefni sjónvarpsstöðvanna. Einnig geta áskrifendur af Maraþon, Cirkus og Hopster nálgast sjónvarpsefni viðkomandi áskriftarveita í appinu.
Ef þú vilt kynna þér Vodafone PLAY appið þá getur þú gert það með því að smella hér.
Í hverju felst skuldbindingin?
Það er almennt enginn binditími á áskriftum Stöð 2. Undanþegnar frá þessu eru áskriftir sem keyptar eru á tilboði gegn bindingu.
Það er mánaðar uppsagnarfrestur á sjónvarpsáskriftum og tekur uppsögnin gildi þar næstu mánaðarmót eftir að áskrift er sagt upp.
Hver innheimtir leigu á myndlykli?
Ef þú ert nú þegar með myndlykil breytist innheimtan ekki neitt. Fáir þú nýjan myndlykil, þá muntu fá reikning frá Sýn hf. en það er heiti á sameinuðu félagi Vodafone og sameinaðrar fjölmiðlastarfsemi sem innifelur meðal annars Stöð 2, Stöð2 Sport, Vísi, Bylgjuna, FM957 og Xið 977.
Get ég flutt áskriftina mína yfir á annan myndlykil?
Hægt er að flytja áskrift yfir á annan myndlykil með auðveldum hætti á Mínum síðum Stöð 2.
  1. Smellið á Sjónvarpskubb með þeirri áskrift sem á að flytja.
  2. Smellið á Flytja áskrift hnapp, ofarlega hægra megin.
  3. Í boxi merktu númer 1 er samningsnúmerið þitt. Sá samningur sem þú ert að fara að flytja.
  4. Í skrefi 2 getur þú valið af lista yfir þekkta viðtakendur sem þú hefur áður skráð og flutt áskrift á.
  5. EÐA skráð nýjan viðtakanda í svarta boxið. Það geriru með því að slá inn kennitölu hjá viðkomandi viðtakanda og ýta á stækkunarglerið.
  6. Þegar viðtakandi hefur verið valinn skal smella á Staðfesta flutning.
  7. Flutningsferli ætti að hafa hafist og hægt er að fylgjast með því í Flutningssögu vinstra megin á síðu og uppfæra með því að spella á örvarnar.

Almennar fyrirspurnir

Er Stöð 2 að selja fjarskiptaþjónustu?
Nei, Stöð 2 er eingöngu að selja sjónvarpsáskriftir en ekki internet, farsíma eða heimasíma. Þú getur nálgast upplýsingar um fjarskiptaþjónustu Vodafone á vodafone.is.
Hvar get ég skoðað upplýsingar um mína þjónustu hjá Stöð 2?
Besta leiðin til þess að gera það er að fara inn á Mínar Síður hjá Stöð 2 og þar getur þú skoðað þær áskriftir sem þú ert með hjá okkur.
Ef þú hefur einhverjar spurningar þá er þér velkomið að hafa samband við okkur í síma 1817, koma í næstu verslun Vodafone eða fara á netspjallið okkar.

Reikningar

Hvað er „Dreifingarkostnaður IP myndlykill“?
Gjald fyrir að varpa sjónvarpsefni í áskrift á myndlykil í gegnum internetið.
Hvað er „Dreifingarkostnaður Digital Ísland"?
Gjald fyrir að varpa sjónvarpsefni í áskrift á myndlykil í gegnum loftnet.
Hvað er „Sjónvarpsáskrift á aukamyndlykil“?
Gjald fyrir að varpa sjónvarpsefni í áskrift á fleiri en einn myndlykil á sama heimili. Greitt er eitt gjald, óháð fjölda myndlykla.
Ég er nýr viðskiptavinur, fæ ég reikning frá Stöð 2?
Nei, reikningurinn birtist í heimabankanum undir nafninu Sýn hf en það er heiti á sameinuðu félagi Vodafone og sameinaðrar fjölmiðlastarfsemi sem innifelur meðal annars Stöð 2, Stöð2 Sport, Vísi, Bylgjuna, FM957 og Xið 977.
Hvert beini ég athugasemdum við reikninginn?
Stöð 2 leggur mikla áherslu á að reikningar sem við sendum frá okkur séu í samræmi við þá þjónustu og notkun sem hefur verið á tilgreindu tímabili.
Við svörum gjarnan spurningum þínum um reikninginn í síma 1817 og auk þess veitum við skjóta og góða aðstoð í gegnum netspjallið okkar.
Hvað gerist ef ég borga ekki á réttum tíma?
Reikningar fara í innheimtu ef þeir eru ekki greiddir fyrir kl. 21 á eindaga. Reikningar fyrir sjónvarpsáskrift fara í innheimtu 20 dögum eftir eindaga og fjarskiptareikningar fara 10 dögum eftir eindaga. Í millitíðinni sendum við innheimtuviðvörun á skráð lögheimili.